.

2009年10月18日星期日

變成配角的CK 指甲油

我今日想分享的唔係CK 指甲油, 而係另一件產品, 不過就要CK 指甲油幫幫手, 主角先出得場! 今日所用的指甲油就係早前所購入的CK 化妝SET 內的其中一件產品!



唔好睇佢細細件, 都算容易搽上手及幾快乾的, 下圖指甲我係搽咗2層CK 甲油, 再用閃片甲油係指甲邊位畫個十字



配角CK 出完場, 當然要到我今日所介紹的主角啦, 就係我係萬寧所購入的"洗甲油濕紙巾" (特價$39.9/30片)



其實我都唔知點解會買佢, 可能要用時可以貪快啩, 下圖就係盒內每片樣貌就係咁架喇!



張洗甲油濕紙巾都好大張下, 都有張盒裝紙巾咁大張, 不過抺完隻手就唔會好似JS 洗甲水咁留有香味, 係就係有味, 不過係我唔多鍾意聞的香精苿莉花味!!



清除D指甲油真係好快, 抺2,3下就抺得一乾二淨, 而且可以1張抺到2隻手, 都算化算的!



不過洗甲油濕紙巾我唔會成日用佢的, 想快時,但又唔太多時間, 就會用佢, 不過抺完對手我覺乾了點, 所以用完要搽番D handcream 呀!!


沒有留言:

關注我的相關連結: