彩椒黑醋肉片

咕嚕肉就食得多, 用鎮江醋整呢味 "彩椒黑醋肉片" 我就第一次整, 不過我d鎮江醋唔夠,
得個2湯匙到, 其實仲可以再落多1湯匙可能仲好味, 我為有加少少茄汁, 等d酸味會多番d啦!
本應係想加菠蘿去炒的, 但唔記得買, 真失冊, 不過出來的效果及味道都唔錯的, 不防試試!
材料: 豬梅肉片 (約$10) + 紅椒 (半個) + 黃椒 (半個) + 青椒 (半個)
醃料: 水 (2 湯匙) + 糖 (小許) + 豉油 (約1湯匙) + 油 (約1湯匙)
汁料: 黑醋 (2湯匙) + 豉油 (1茶匙) + 糖 (1茶匙) + 水 (3湯匙)
做法:
1) 用醃料將豬肉醃好 (約醃30分鍾), 備用
2) 將所有汁料溝好放碗, 備用
3) 將三色椒洗淨及切丁, 備用
4) 在落鑊煎豬肉前, 用1茶匙生粉把豬肉拌勻後, 放鑊煎至微金黃, 盛起備用
5) 用原鑊放下三色椒略炒約1分鍾, 盛起備用
6) 用回原鑊放下汁料煮滾後, 放會豬肉及三色椒再煮多一回, 即可關火。