[保健養生] 自家製。黑杞子蜜

我不太喜歡喝沒味道的水, 但可能年紀漸長, 對於養生食品開始有所留意, 除了愛喝花茶, 也開始改泡黑杞子水來作保健養生之用!

周日煮意｜輕鬆煮。日式昆布鰹魚高湯 + 黑醋昆布絲

望著之前在日本買回來的厚削鰹魚片, 其鮮味我自己覺得比薄身的鰹魚花或碎味道較濃郁, 所以這次做了一個日式昆布鰹魚高湯, 做完後便可放在雪櫃裡, 要做什麼菜式時便可隨時使用! 

 

素食者之選。全天然有機豆奶米奶 ❤ Natur-a

相信很多人都知道牛奶是一種營養價值高, 富含優質蛋白及鈣質的營養素, 雖然如此, 但總有人不愛喝它! 

雖然牛奶我會喝, 但因牛奶容易令我腸導出現問題, 變相也令我不常喝! 想從日常飲食中攝取充足鈣質及蛋白質等營養, 我選喝豆奶來取而代之!

 

舒解春困。開心忘憂 ❤ CHECKCHECKCIN

春天濕氣重, 容易感到疲倦又嗜睡, 加上「春困」亦會影響肝的疏泄, 也容易令人感到情緒鬱悶! 

平常我都有喝花茶習慣, 不過最近我就開始試喝 CheckCheckCin 所出的一款草本茶 ~ 開心忘憂茶 ($89/盒)!

 

自家製。蜜漬檸檬 x 製作方法

我是第一次醃製 "蜜漬檸檬" , 初時聽到這個製作方法時, 我的第一個反應是, 不就是平常渴的蜂蜜檸檬 (即: 檸蜜) 嗎? 為什麼還要醃製? 

但當試過味道後, 發覺味道是有分別的, 我自己覺得味道更像檸檬水, 而且更多了一份淡淡的蜂蜜香味, 不太甜! 

而醃製過的檸檬已跟蜂蜜的香甜味完全融為一體, 所以連最有營養的部份(皮跟白色部份) 吃起來都不會感到苦澀, 連我一向不愛食檸檬皮的我, 也愛上吃, 但想醃製後檸檬不苦澀是有一個小撇步要做的!

綠茶。內服外敷 。抗氧過新年

我喜歡喝綠茶的, 但不是每款的綠茶我都喜歡, 尤其是綠茶Latte, 坊間大多的都是奶味比較多, 變相綠茶味比較淡, 要遇到合口味的才會買, 真的可遇不可求!

享受香醇一刻。與創意同發揮 ~ Nescafe

雖然我家大少不算是追求喝最高境界咖啡的人, 但泡一杯即沖咖啡, 他也有一定要求, 就是要水溫夠熱, 水不能太多/太少, 不過泡咖啡的任務, 通常落在我身上, 所以泡咖啡我也挺熟手的~ 哈!

三文魚麵豉湯

今日行超市見到d下欄三文魚好靚好大包, 望落去好似無骨的, 即刻買番屋企煲湯先, 到清洗時才發覺, 原來係一部份有骨, 一部份無骨, 無骨部份好多肉下, 所以我決定將有骨部份就整咗今日個 "三文魚麵豉湯" , 無骨的做了另一味餸, 明天開估係咩菜式。
材料: 日本麵豉 (2包仔) + 洋蔥 (1/3 個) + 三文魚骨
三文魚醃料: 胡椒粉, 黑胡椒, 白葡萄酒 (各少許)
做法:
1) 先用醃料略醃三文魚骨約15分鍾, 備用
2) 水滾後, 放入洋蔥及日本麵豉, 煲約15分鍾
3) 再放入三文魚骨, 再煲多15分鍾即可關火。
小心得:
我用的日本麵豉係一包包即沖個d, 內有配菜, 所以我都落了一包, 你都可以買一大包的日本麵豉, 但我未試過, 所以唔知邊隻好。
另外, 三文魚骨我係煲了一會拿起後去骨的 (會易去點), 所以個湯有無骨按個人喜好。

勝瓜瘦肉蛋花湯

今日煲咗個滾湯, 因想飲湯但又唔夠時候煲, 最好嚟個滾湯, 我煲咗"勝瓜瘦肉蛋花湯",
我想靚d, 就加了數片日本魚片, 用三個字形容...........快, 靚, 正!!!!
材料: 勝瓜 (1條) + 雞蛋 (1隻) + 瘦肉 (約$3-4) + 日本魚片 (數片) + 鮮雞汁 (1湯匙)
做法:
1) 將勝瓜刨皮切件, 備用
2) 將瘦肉洗淨後切絲/切片, 用滾水汆一汆水, 備用
3) 水滾後, 放入瘦肉及雞汁煲至再滾後, 放入勝瓜及日本魚片, 約滾20分鍾
4) 將蛋打勻後, 倒入煲內, 即可關火。

菊白茶

今日行街比我發現呢支飲品, 其實唔只一種, 不過吸引我買的原因, 係因為佢係白茶, 白茶又稱為東方美人茶, 它屬不發酵, 茶多酚含量比綠茶多二至三倍, 是天然抗氧化劑, 更會提高免疫力及抗衰老之效, 再加白菊花, 更有明目功效, 而個價錢都係$10/2支, 我更係買嚟飲啦!

杭菊杞子花茶

今日天氣雖然焗d, 但吹來的風給我感覺有點秋意, 都想飲杯滋潤得嚟又可下火嘅飲品,

今日我就整咗呢杯"杭菊杞子花茶" , 它有清肝, 明目之效, 唔知大家又啱唔岩呢?

材料: 杭菊 (4-5朵) + 杞子 (1湯匙) + 冰糖 (適量)

做法:

1) 用滾水略為浸洗杭菊及杞子後, 倒去d水,

2) 放入適量冰糖, 已洗杭菊及杞子, 約浸10-15分鐘即可飲用。

合掌瓜章魚花生瘦肉湯

今日行超市買咗個湯包, 都唔駛自己執材料, 只需買舊肉就可以煲呢個湯,

都好啱我呢d現代婦人 , 呢個係 "合掌瓜章魚花生瘦肉湯" 個湯好甜的,

我都係第一次見章魚搭呢個合掌瓜, 好新鮮吓, 真係唔駛點講你都一定會煲到一煲靚湯。

材料: 合掌瓜 (約1-1.5個) + 瘦肉 (約$5) + 蜜棗 (2粒) + 章魚乾 (2片) + 花生 (約手可拿起1束分量)

做法:

1) 將所有材料洗乾淨, 瀝乾備用,

2) 將瘦肉用滾水汆一汆水, 備用,

3) 將章魚先浸軟後, 沖洗其身上的沙, 瀝乾, 備用,

4) 水滾後, 將所有材料一併放入煲內煲1.5 小時, 其間如水小了, 可加入熱水後繼續煲。

牛奶紅棗湯

我係屋企整理書櫃時, 睇番以前自己買的書, 發現咗幾款美顏飲品, 而且做法十分簡單,

就等我今日介紹其中一個美顏飲品比大家啦!

材料: 去核紅棗 (10粒) + 鮮奶 (236ml) + 雞蛋 (1隻) + 水 (500ml) + 冰糖 (適量)

功效: 滋補養顏, 補血健脾

做法:

1) 紅棗清洗, 雞蛋打勻, 備用

2) 將500ml水煮滾, 加入紅棗煮, 用中火煮至得番一半水(約10分鐘)

3) 倒入牛奶, 再次滾起後, 倒入雞汁攪勻成蛋花, (倒入牛奶後要睇緊個火, 牛奶好易滾起)

4) 一滾即關火及加入冰糖調味。

蕃茄洋蔥三文魚湯

今日行jusco 本來無想過買三文魚的, 見到d三文魚頭魚尾魚骨等下欄嘢, 好平呀,

就買番屋企煲湯就最啱喇, 其實成條三文魚都好有營養的, 最好個d就用咗嚟做魚生,

咁餘下個d咪可以用嚟煮餸/煲湯啦! 我今日煲邊個"蕃茄洋蔥三文魚湯",

真係最啱一家大細飲呢 。

材料: 三文魚 (約$8-15) + 洋蔥 (半個) + 蕃茄 (3個) + 蒜頭 (3粒) + 白酒 (2湯匙)

做法:

1) 先煲滾水, 約 900 ml份量

2) 水未滾時, 將洋蔥切絲, 蕃茄切細, 蒜頭去衣 (全部備用)

3) 水滾後, 將蒜頭及洋蔥先放入煲內,

4) 再滾起時放入三文魚,

5) 見到煲內的水成奶白色時, 再放入蕃茄一起用中火煲30分鐘, (期間如水少,可加入滾水至原先位置)

6) 之後倒入白酒, 再煲多 15分鐘, 即可飲用。

小心得:

今次我用的是近三文魚腩位置, 鍾意無咩骨, 我之前煲呢個湯係用三文魚頭/魚尾等其它位置,

不過就多骨d, 但味道都係一樣的。

其實之前我煲呢個湯係無落白酒的, 不過我蝦子餅話飲時覺得腥, 所以我加咗白酒去煲, 就無咗腥味,

其實煲完已經無晒d酒味的, 怕小朋友飲唔係咁好的話, 你可以唔落。

p.s. 我所用的外國白酒, 千祈唔好用中國個d燒酒/白酒呀! 唔好用錯。

食譜改編自: I-Cable 肥媽私房菜

重出江湖為.....整餅

講真, 我都成5年無整過蛋糕, 希望今次唔會失手啦!

我覺得整一個蛋糕唔係難, 但係善後功夫就好多,

整完之後個廚房好似打仗咁, 好亂, 好多嘢洗, 所以唔鍾意整,

今次重出江湖, 其一係我好耐無整, 想再整嚟試下,

其二係主要原因, 今日係我"蝦子餅"生日的大日子,

所以我特登整咗個 "青檸芝士蛋糕" 送比佢,

佢個心唔知會唔會話好感動呢!

味道都唔錯喎! 真係要讚下自己

我哋食完個餅就出街, 睇個套 "變形金剛" ,

比大家睇下個餅樣如何! 係咪掂呢?

最後更係要講番句 ........ 生日快樂呀!

餅身材料:

忌廉芝士 (250g) + 魚膠粉 (2茶匙) + 糖 (3茶匙 ) + 鮮忌廉 (150ml) + 青檸味啫哩粉 (1盒) + 清蛋糕 (一片) + 雲呢拿香精 (半茶匙) + 滾水(250ml) + 凍水 (2湯匙) + 士多啤梨 (1盒)

餅面材料:

果凍粉 (1湯匙) + 滾水(200ml)

做法:

1) 先用半杯滾水溶開盒啫哩粉, 備用 (待至唔熱為止)

2) 用2湯匙凍水溶開魚膠粉, 混合於啫哩粉水內, 攪勻備用,

3) 先打忌廉芝士打至軟身後加入沙糖, 繼續攪拌,

4) 攪拌至糖溶晒後, 續少倒入鮮忌廉, 繼續攪拌, (不用將忌廉打得太起, 約打30粆)

5) 加入待涼的啫哩粉水於忌廉芝士漿中, 用匙羹混和，

6) 將清蛋糕放於盤內, 先倒少許忌廉芝士倒入餅模中,

7) 再放上士多啤梨(切片) , 將餘下的忌廉芝士漿倒晒入餅模中, 放入雪櫃雪(約4-6小時),

8) 先用滾水開果凍粉, 待無咁熱時, 取出蛋糕,

9) 在蛋糕面放上裝飾, 再在面上淋上果凍粉, 再放入雪櫃雪凍。

食譜改編自: i-cable - 肥媽私房菜

冬瓜粒瘦肉湯

原來今天係大暑呀, 最啱煲冬瓜水/湯飲, 等我介紹另一個冬瓜湯給大家, 這個除了可當湯飲外,

還可以淋在飯上, 即變成冬瓜粒湯飯, 真係唔錯呢?

材料: 冬瓜 (1片) + 瘦肉切絲/片 (約3湯匙到) + 冬菇切絲 (2隻) + 雞蛋 (1隻)

做法:

1) 將冬瓜切粒 (切去皮不要), 備用

2) 冬菇浸軟後瀝乾後, 切成絲/條, 備用

3) 將雞蛋打勻, 備用

4) 注入水到煲內, 水滾後放入瘦肉先行滾一滾, 再放入1, 2項材料,

5) 約煲半小時後, 倒入雞蛋後攪拌, 變成花後即可關火。

小心得:

我通常買番嚟的肉, 都會預先加入水(不可過肉的高度) + 少許油 + 雞粉攪勻, 醃一晚(放雪櫃), 咁煮D肉食時就無咁'鞋'。

除了用雞蛋整蛋花外, 你可以改用咸蛋白, 咁就唔使落鹽了。

其實材料可以自行配搭, 最緊要自己鍾意食, 都可以創出個人特式菜出來的。

冬瓜蓉羹

呢幾日天氣熱到不得了, 真係要煲番個消暑的湯水飲下先得喇!

這個湯除了刨冬瓜辛苦d之外, 其他嘢都好易整及好快完成的,

真係又方便又消暑的湯水, 啱晒我呢d忙碌的靚太們呀!

材料:

冬瓜一片 + 火腿2片 (切絲) + 蟹柳2條 (切粒/條) + 蛋白1隻 + 史雲生雞湯375ml

做法:

1) 將片冬瓜刨成絲, 放煲內 (如怕冬瓜涼的話, 可以片薑)

2) 再放入雞湯, 火腿絲及蟹柳粒一起煲滾, (用中火)

3) 蛋白加約一湯匙水後打勻,

4) 將火關細, 倒入蛋白後慢慢攪勻, 再次滾起後, 即可關火。

小心得:

d蛋白加小許水係可以令到佢整出來的蛋白花會靚d和無咁厚。 不過唔好加太多水喎!

大鄉里....大發現!

今日行百佳想買豆漿飲, 但又怕豆漿涼, 真係矛盾,

皆因中醫講豆漿係好有益, 但對女性嚟講比較寒涼,

真的想飲, 最好都係加片薑煲下先飲,

正想.......好了最多麻煩d, 飲時加片薑吧!

整想攞豆漿時, 比我發現有隻豆漿係叫 "薑汁豆漿"

心想真係好, 竟然出咗隻有薑味的豆漿,

再看看價錢又唔係好貴, 仲要係大支裝, 一於買番屋企試下先,

飲第一啖時, 好好飲, 仲有好濃薑味,

同自己加薑煲的豆漿, 味道完全一樣,

以後一於買佢嚟飲, 就唔使咁煩了。

骨膠原飲品

早前係7-11買雜誌, 付錢時職員問我加$6 可以換1支骨膠原飲品,

我見係 Meko 咪換2支試下囉, 它有2種味道(原味 & 萍果味) ,

由於我唔知原味係點, 所以我換了萍果味,

睇下個樽先知除骨膠原外, 還有維他命c呢!

一打開個樽蓋, 香就好香 萍果味 ,

但飲落就有點酸, 不過都可以接受的,

唔知飲完會唔會皮膚彈手d / 滑d呢?

菠蘿爽珍珠特飲

今日端午節, 整番杯嘢飲下先, 見到包珍珠粉圓, 就用佢來整杯特飲啦!
材料好蕳單, 就只有珍珠粉圓及罐菠蘿玉露, 其他嘢都唔使點煮的,
係整珍珠粉圓比較耐時間, 之後將2者混合, 即可飲用。
叫佢咩好呢?..................就叫菠蘿爽珍珠特飲啦!

同場加影一杯..........韓式蘆薈加珍珠!

珍珠粉圓做法:

水滾後放下珍珠(拌開), 用中火煮25分鍾 (其間不段攪拌, 以免滾瀉) 關火後盖上盖焗20分鍾, 用筲箕隔起過冷河, 即可加入果汁, 奶茶等飲品內。