冬瓜蓉羹

呢幾日天氣熱到不得了, 真係要煲番個消暑的湯水飲下先得喇!

這個湯除了刨冬瓜辛苦d之外, 其他嘢都好易整及好快完成的,

真係又方便又消暑的湯水, 啱晒我呢d忙碌的靚太們呀!

材料:

冬瓜一片 + 火腿2片 (切絲) + 蟹柳2條 (切粒/條) + 蛋白1隻 + 史雲生雞湯375ml

做法:

1) 將片冬瓜刨成絲, 放煲內 (如怕冬瓜涼的話, 可以片薑)

2) 再放入雞湯, 火腿絲及蟹柳粒一起煲滾, (用中火)

3) 蛋白加約一湯匙水後打勻,

4) 將火關細, 倒入蛋白後慢慢攪勻, 再次滾起後, 即可關火。

小心得:

d蛋白加小許水係可以令到佢整出來的蛋白花會靚d和無咁厚。 不過唔好加太多水喎!