今日這味餸, 原本係想蒸肉餅的, 係想緊蒸咩肉餅時, 望落去d豬肉碎好似唔係好夠, 咁點算呢?
比我想到整一粒一粒, 你哋話個樣點呢! 我就覺得 ok 喎! 食的時間真的好方便呢?
一啖一粒, 唔便爭, 幾好呀! 所以話呢, 煮餸係可以自己創出來的。
材料: 豬肉碎 + 菜圃 (3-4條) + 杞子 (13粒)
醃料: 豉油 (1湯匙) + 糖 (1茶匙) + 豆粉 (3茶匙)
做法:
1) 菜圃切粒備用,
2) 將豬肉碎加入醃料調勻, 再加入切好的菜園拌勻備用 (約醃半小時),
3) 用1個匙羹'不'起肉碎, 用另一個匙羹互相整出一個圓球,
4) 再在每粒肉丸上放上杞子, 放鑊蒸 20 分鍾, 即可完成。
小心得:
想看起上來靚d, 可以用碟內的汁放鑊煮滾後加入豆粉水, 再淋在肉丸上, 咁就會看上去靚d喇!
其實用咩材料都無所為 (如炸菜, 蟹柳等), 自己喜歡就可以加入去, 唔一定用菜圃, 杞子等。
沒有留言:
發佈留言