冬瓜粒瘦肉湯

原來今天係大暑呀, 最啱煲冬瓜水/湯飲, 等我介紹另一個冬瓜湯給大家, 這個除了可當湯飲外,

還可以淋在飯上, 即變成冬瓜粒湯飯, 真係唔錯呢?

材料: 冬瓜 (1片) + 瘦肉切絲/片 (約3湯匙到) + 冬菇切絲 (2隻) + 雞蛋 (1隻)

做法:

1) 將冬瓜切粒 (切去皮不要), 備用

2) 冬菇浸軟後瀝乾後, 切成絲/條, 備用

3) 將雞蛋打勻, 備用

4) 注入水到煲內, 水滾後放入瘦肉先行滾一滾, 再放入1, 2項材料,

5) 約煲半小時後, 倒入雞蛋後攪拌, 變成花後即可關火。

小心得:

我通常買番嚟的肉, 都會預先加入水(不可過肉的高度) + 少許油 + 雞粉攪勻, 醃一晚(放雪櫃), 咁煮D肉食時就無咁'鞋'。

除了用雞蛋整蛋花外, 你可以改用咸蛋白, 咁就唔使落鹽了。

其實材料可以自行配搭, 最緊要自己鍾意食, 都可以創出個人特式菜出來的。