香煎雞火卷

今日整呢個餸原本唸住卷到好似壽司咁的, 卷下卷下好似唔係整得太好, 最後都包到好似

春卷咁攞去煎, 仲要煎到燶咗d, 不過味道唔錯呢, 而且仲好香脆(煎無咁油),

食完先覺得之前影呢碟餸應該將其中一件切開等大家可以睇到裡面d餡嘛,

蠢咗蠢咗, 下一次定唔會。

材料: 免治雞肉 (約$9) + 火腿 (約7-8片) + 春卷皮 (約8-10片)

醃料: 黑椒 + 胡椒粉 + 油 + 水 + 糖 + 雞粉 (各少許)

做法:

1) 將雞肉用醃料醃好(約30分鍾), 備用

2) 將火腿切絲, 備用

3) 將約一湯匙雞肉放在春卷皮上推平, 在雞肉上再放上火腿絲後包成卷狀 / 自己喜歡的形狀

4) 放鑊煎香至熟, 即可上碟, 再配上自己喜歡的醬汁一併食用。

小心得:

唔想用煎的話, 可以改用炸都可以。