吉列豬扒專門店@銅鑼灣

終於都可以一賞吉列豬扒專門店d 吉列豬扒喇!  我哋5:50pm 就去到,

點知晚市未開門, 就已經排咗一條人龍, 眼見條龍自己都唔算排得好後,

係度排隊時睇下個廚櫃有咩好食先, 企咗10分鐘後終於可以入去坐坐啦!  

 

一坐低就叫咗個2人餐(好似有吉列豬扒及豬柳), 第一次去都無人講解d醬料點溝的,

d服務生好似覺得每個客都一定識咁, 不過好彩我係台灣食過大約都知點溝的,

 

d芝麻要自己磨架!  磨磨下你會聞到d芝麻好香架! 我覺得幾好玩!

 

d 椰菜係任食的, 食完d服務生會幫你加, d椰菜加咗醬汁一齊食好好味呀!

我食得最多就係d椰菜, 食極都唔厭, 不過d醬汁就無我係台灣食個隻柚子醋

咁好味lu, d豬扒一d都唔un, 而d豬柳都好好味! 食咁多炸嘢, 唔食多d菜去咁d熱氣,

食完好快就會喉嚨痛了!

為獨呢個乜乜豬肉湯我就覺得嘛嘛哋, 料就多了, 不過d豬有d穌, 所以如果店員問你加唔加錢轉呢個湯, 建議飲番跟餐個麵豉湯仲好味!

 

d 餸未食晒, 但又唔夠飽, 可以添飯架!