蕃茄小肉丸

 

唔講太家可能唔知, 我係一個蕃茄狂, 無茄不歡, 所以我煮親d餸都大部份有關係同蕃茄配搭多, 今次呢道餸就係蕃茄配免治肉丸喇! 希望你哋唔會睇得太多蕃茄而想嘔啦!

 

材料: 洋蔥 (半個, 切絲) + 蕃茄 (2-3個, 切件) + 免治豬肉 (約120-150g)

汁料: 茄汁 (約3-4湯匙) + 豉油 (約1-2湯匙) + 糖 (約2-3茶匙) + 水 (約50ml)

豬肉醃料: 豆粉 (約1-2茶匙) + 水(少許) + 麻油 (少許) + 豉油 (約1-2茶匙) + 糖 (1茶匙)

 

做法:

1) 將洋蔥, 蕃茄切好後, 備用

2) 將豬醃料加入免治豬肉中, 攪勻後, 搓成丸狀, 備用

3) 開鑊, 用少許油先將豬肉丸煎熟表面, 盛起備用

4) 用原鑊, 加少許油, 先將洋蔥炒香後, 加入少許糖, 炒至洋蔥變為淡啡後, 加入蕃茄, 略炒, 加入汁料煮, 再放入肉丸一併煮熟

5) 如覺汁太多, 可用水+豆粉, 先開成液狀( 汁唔算多, 可以省去加入豆粉水) 一路煮時, 慢慢把豆粉水加入蕃茄中煮至杰身即可關火, 上碟!

 

p.s. 喜歡的話, 亦可以加入雞蛋!