2009年11月14日星期六

yummy yummy 酸辣湯


我發覺係街食的酸辣湯唔係唔夠酸就係唔夠辣, 總係味道唔係咁啱自己, 咁啱有次睇電視教整酸辣湯, 我見好容易咁, 就試下整, 估唔到第一次整味道都唔錯, 而且呢個湯係一位營養師教的, 應該都唔會好肥啩, 鍾意飲酸辣湯的朋友可以一試呀!!



份量: 2-3人


材料: 木耳絲 (拿一大束) + 冬茹片 (約半碗) + 雞柳 (3條) + 粉絲 (半束)


調味料: 豆瓣醬 (1-2湯匙) + 老抽 (1湯匙) + 麻油 (少許) + 陳醋 (3-4湯匙) + 雞湯味濃湯寶(半盒)



做法:


1) 將木耳絲, 冬菇片, 粉絲 用水浸軟, 瀝乾備用


2) 將雞柳洗淨及切成絲, 備用


3) 用1湯匙馬蹄粉用少許水開好, 備用 (用時要再攪一攪d粉, 免沉底)


4) 將約500ml 水(或3碗水) + 濃湯寶先行煲滾, 再將雞柳及其它材料放入, 再次滾起後, 將調味料加入


5) 將預先開好的馬蹄粉水, 慢慢加入湯中(其間要一路攪住d湯), 再次滾起即可關火!





p.s.


1) 如唔食得辣, 豆瓣醬可減至1湯匙, 鍾意食酸d, 陳醋可落多d, 要自行試味, 才知邊個味啱自己!


2) 木耳絲同冬菇片都可以係超市買到, 整起嚟方便好多, 又唔使切, 只需浸洗就可用!

沒有留言:

我的相關連結按鈕