荷包焗豆

之前係酒樓食過一味叫石榴雞嘅菜式, 覺得整得好靚, 心想自己都應該整到啩, 於是我就試下整

一個類似用蛋皮包的餸, 由於我唔想淨用個蛋白整, 所以用全隻雞蛋, 包的時候先知好難包及好易爛,

最後只包得一粒似樣點的放咗係中間, 其餘個d包到好似禮物咁四四方方, 免強都包到,

真係要轉研一下個皮點先至可以做到又薄又實淨先得lu。

材料: 細焗豆 (一罐) + 雞蛋 (3隻) + 韭菜 (數條) + 水 (約100ml) + 豆粉 (2湯匙)

做法:

1) 將雞蛋打勻後, 加入水及豆粉, 用筲箕隔一隔, 等d蛋汁滑d及無粒粒

2) 將韭菜用滾水焯一焯, 盛起備用,

3) 用少許油, 將適量蛋汁放鑊, 煎成蛋皮, 盛起備用 (每次都係咁做, 直至所有蛋汁煎完為止)

4) 將約1湯匙焗豆放蛋皮中間, 然後包起及用久菜束起,

5) 包好後, 放鑊蒸約5-8分鍾(水滾後計), 即可關火。