香煎素鵝燴本菇

今日煎呢個素鵝時, 煎燶咗少少, 整體個賣相無咁好, 但味道ok 的,

呢排唔想食咁多肉(其實係想減肥) , 所以改食齋都係一個唔錯的選擇呢!

材料: 素鵝 (1條) + 本菇 (1盒) + 蒜頭 (1小粒)

汁料: 蠔油 (2湯匙) + 水 (50ml) + 豆粉 (1茶匙)

做法:

1) 先將素鵝切件後, 放鑊煎香(不用落太多油), 盛起備用,

2) 洗淨本菇後, 瀝乾備用

3) 用少許油先爆香蒜頭後, 放下本菇略炒, 再加入約1茶匙酒, 炒至略為轉色,

4) 將汁料倒入鑊後煮滾後, 將素鵝回鑊再煮多一會, 即可上碟。