不過見佢今年的menu 好似唔係咁吸引, 比較過後都係覺得鴻星抵d,
所以今年又去返鴻星食, 不過今次就唔係去尖沙咀個間, 而係去將軍澳個間,
原來佢裝修過, d場景靚咗好多, 你哋睇下係咪好靚呢!
未去到時, 突然落咗場好多雨, 又大風, 有遮都濕身, 差d把遮都吹爛,
隨時係街都找到十多把風爛的遮, 好在呢餐有杯薑茶暖下身啫, 唔係實冷親,
未起菜時, 每人有一杯飲品的, 我就叫咗杯橙汁及一杯紹興酒, 食住小食慢慢等,
以下就係個套餐餸菜, 大家慢慢睇啦!
第一道菜就食蟹粉小籠包, 好好味呀, 不過每人得1隻咁少.....
第二道-四道菜就係食大閘蟹公, 大閘蟹乸, 再嚟大閘蟹公 (2皇1后喎), 不過3隻蟹嚟講我都係覺得公d膏好味好多!
第五道菜就係個原盅雞燉翅, 好好味, 都好多翅架, 不過雞油多咗d
第六道菜就係澳洲鮑魚柚皮, 我都係第一次食柚皮, 原來好好味架, 一d都唔'澀', 不過我此終唔知柚皮係咪咁淋身呢!
第七道菜就係蒸糯米飯, 嘩! 原來好大籠架, 食完都飽晒!
第八道菜就係xo醬炒帶子, 呢個係每人一碟, 不過反而呢碟就細咗d!
第九道菜就係每個女士都喜歡的燕窩蛋白露, 好味, 一d都唔甜!
呢餐食咗我3個鐘, 埋單$899.8, 貴就貴咗d, 但唔係成日食嘛, 我而家心態變咗lu,
要對自己好d, 都叫做享受過嘛! 好過輸咗股票都未食過餐好的!
呢餐真係同去飲無咩分別呀! 整體呢間食物水準唔錯, 呢個餐好抵食,
係人手唔多夠, 好多時都要自己叫人嚟, 先有幫下我哋!
沒有留言:
發佈留言