豆豉鯪魚炒油麥菜

 

 

油麥菜其實我唔多食, 可能細個食過一次之後, 個印象話我知唔好味,

所以我唔會買嚟食, 有次老公陪我買餸時見到油麥菜, 佢話不如買呢個菜,

番佢煮比佢食, 我話我唔食喎, 佢話好好味的, 既然佢講到出口, 咁為有滿足佢啦,

我記得我屋企煮親油麥菜都會配豆豉鯪魚一齊煮, 個賣相就一般, 我煮得咁辛苦

無理由唔試下嘛, 雖然唔多鍾意, 試咗一口未唔係咁難食的, 都幾好味的, 我開始

對油麥菜有d好感!!!

 

材料: 豆豉鯪魚 (1罐) + 油麥菜 (約半斤)

 

做法:

1) 洗淨d油麥菜, 盛起備用

2) 落少許油先炒至半熟d油麥菜, 再加入豆豉鯪魚,

3) d 菜熟晒後即可關火, 上碟!