生菜鮑片

好耐無再post 煮嘢食的網文喇, 今日整個名貴d菜式介紹比大家, 不過我諗都好多人

整過, 大家單睇張相d鮑魚係咪好真呢, 而且睇落都名貴好多呢, 不過我所用的係假

鮑魚(即係用魚肉製成而型狀整到好似鮑魚咁), 通常呢度菜我多數係新年會整得多

d, 今日見雪櫃還有一包假鮑魚, 就整呢度菜給大家欣賞吧!

 

材料: 生菜 (1-2棵) + 假鮑魚 (1包/1隻) + 蒜頭 (1-2粒)  

汁料: 蠔油 (約1-2湯匙) + 豆粉 (少許) + 水(約50ml)

調味料: 糖 (少許)  + 油 (少許)

 

做法:

1) 將生菜洗淨, 用煲煲滾水, 水滾後放入調味料後, 將生菜放下, 只需略為燙一燙熟就可盛起, 隔水放入碟上

2) 將假鮑魚背部打直行平二刀(但不要界太深 ) 然後反轉鮑魚面, 打横開始斜切薄片, 備用

3) 先將汁料預先混合, 備用

4) 用少許油爆香蒜頭後, 放入假鮑片, 略煎後, 加入預先混好汁料, 煮至杰身即可關火淋上生菜面即成。