試用後感 ~ Sofina Aube couture 眉粉

好開心被選中試用Sofina Aube couture 眉粉, 首先多謝meling 唔係我又點可以

有機會試用新品呢! 廢話少講, 即刻分享試用後感吧!

 

試用日期: 2009-7-10

試用品: Sofina Aube couture 眉粉

色號: BR811

拆開膠盒, 個眉粉外盒都幾靚架, 加d閃石就更靚喇!

打開盒睇, d 眉粉比起已往個d 分了淺至深, 仲教你呢隻色係搽係眉邊個位置, 好細心呢! 今季眉粉分了3種色, 由淺至深, 咁看起來d 眉色就會更為自然, 而且眉粉仲有控油成份, 無咁易甩色呢!

簡單介紹, 由左至右:

淺色= 係搽眉頭位置

中間色 = 深少少係搽眉山位置

最深色= 係搽眉尾

仲有我最欣賞的就係支眉掃呀, 盒內有2支分別唔同掃頭, 用嚟掃眉唔同位置,  掃毛都算柔軟, 唔會太硬,  設計方面, A掃頭的粗度係接近眉型的粗度, 而B掃頭用來搽眉尾, 真係洽到好處, 再將2支合併 (如相片右下角咁), 就變成一支長身d, 好好揸手的眉掃了!   

到試用眉粉了!  我本身眉都算粗的, 而且都算黑架, 初望到盒眉粉色都覺淺色, 上眉後會唔會唔夾呢????

搽眉粉時, 好易搽, 唔使掃好多顏色都好現, 雖然看上去好似眉色淺了點, 但可能光線+相機問題啩, 其實我望上去算好自然的!

早上搽完眉粉後, 晚上再影多次眉色, 都仲見到, 果然係有控油功效!

 

總結:

其實我少用眉粉的, 但比起我用過的BODY SHOP 個隻眉粉, 呢個易搽好多, 顏色好出, 最欣賞係用咗成日都仲見到個眉色(BODY SHOP 用唔夠半日就無色了) 支眉掃都好好用的, 都過合併後有點鬆, 但如設計改為接合式 (即2支掃合併, 中間位可接合) 就無咁易掉啦!