朱古力薯片你食過未?

早陣子我跟蝦子餅講出咗隻朱古力薯片你見過未, 佢竟然答我見過公司有人食, 到咗第二天, 他帶咗兩盒朱古力回來話買比我試, 佢話都唔平一盒的($22/盒), 問我係咪佢見到個款, 我話個樣唔多似! 不過都可試下呢!

打開盒看都未發現有咩唔同, 因個樣真係好似朱古力薯片,

一食就知唔係朱古力薯片呢, 成片都係朱古力嚟架, 只係個樣似薯片咋 !

可能因為佢聽我咁講, 佢更加想買到我想要的朱古力薯片回來給我, 隔咗一天, 佢真係買咗我見過人哋post 過的朱古力薯片返嚟呢, 不過如果我知道價錢的話, 我一定唔會要佢買回來, 因為實在實在太貴呢, 一盒要成($85/盒) 呀, 搶錢呀>口<

佢話我想試嘛, 貴都買番嚟比我試咁話喎, 聽到佢咁講都唔好意思再話佢呢~ 拆開包裝袋, d 朱古力薯片係一面朱古力, 一面係薯片嚟架, 不過又真係幾好味的! 日本真的多古靈精怪嘢出品呢!

怕自己影得唔好, 都係影張單張上的相比大家睇會睇得清楚d 呢!