最近見到個測試好攪嘢, 想同大家分享下, 話測試你3年內有無發達機會呢~
問題係:
如果你係個200磅重的大肥仔, 有個好朋友話請你食飯, 你最想食以下邊種食物呢?
A: 蒸魚 + 菜 + 肉餅 + 白飯
B: 德國鹹豬手 + 薯條
C: 壽司
D: 牛扒 + 意粉
~~選好後, 係咪好心急想知答案呢~~
答案請用滑鼠「反白」以下幾行
╔═══╗
║解析║
╚═══╝
A: [老實人, 3年內升硬職] 發達機會50%
你份人老實單純, 相信透過努力默默耕耘, 做好自己本, 先有發達嘅機會。係3年內, 你好有機會升職加人工, 爬升到高層職位, 生活總算無憂! 或者你睇準時機搞生意, 突破自己保守性格, 又或者意外中六合彩, 先有機會發達。
B: [勁奢侈, 3年後債纏身] 發達機會10%
就算你份人幾叻, 發達嘅機會都係近乎零! 你對生活嘅追求實在太過奢侈, 搵幾多使幾多。如果唔改呢個習慣, 3年之後, 唔單止無機會發達, 甚至有機會要借錢度日。建議你都係咪諗發達, 快d學識儲錢, 令自己有穩定嘅生活。
C: [超肯搏, 3年後發大達] 發達機會80%
你份人好有搵錢嘅智慧, 對投資同做生意好有見解, 加上超有拼勁, 就算跌低, 一樣可以重新做人, 係3年之後好有發達機會!但你要節制一下自己, 搵到第一桶金後, 要好好計劃, 作重大決定前, 亦要同朋友好好傾下, 咁先做到長久富豪。
D: [懶惰蟲, 3年後得份工] 發達機會30%
你份人好大貪, 好想自己成功上位發達, 乜嘢上位機會都唔放過, 可惜你又懶又有毅力, 到頭來只會得個桔, 好彩重可以保住份工, 但發達就無你份喇! 如果你想發達, 就必定要鍛鍊下耐性, 加上你本身超想發達嘅動力, 可能會有小富嘅機會!
引用: 新monday雜誌
沒有留言:
發佈留言