蕃茄龍脷柳

今日整咗個蕃茄龍脷柳, 唔好淨係睇張相就以為係齋炒蕃茄呀!

d龍脷柳比蕃茄蓋住咋! 等我介紹下今日的材料先:

材料: 蕃茄 2個 + 洋蔥 (少許切絲) + 龍脷柳 1條 + 麵粉 (for 魚柳用) + 蛋 1 隻 (拌勻)

汁料: 茄汁 (2湯匙) + 糖 (1茶匙) + 水 (適量) + 豉油 (1湯匙)

醃料: 胡椒粉 (少許) + 粗鹽 (少許)

做法:

1) 先用醃料醃龍脷柳 (約半小時)

2) 用廚房紙抺乾魚柳水份, 再撲上麵粉, 後拍回多餘粉抺

3) 將魚柳沾上蛋汁後放鑊煎香 (煎好備用)

4) 將洋蔥炒一會, 聞到香味時加少許沙糖再炒,

5) 再倒入蕃茄炒一會, 加入汁料落鑊煮,

6) 滾後, 放下魚柳, 再煮多一會即可。

小心得:

你可以選擇在第(5)點完成後, 淋在魚柳身上, 咁就不用理會第(6)點了。

如水多的話, 你可以在最後加入少許生粉水, 等個汁杰身d。

想煎魚柳香d, 可用牛油代替油去煎。