早前行 Jusco, 見到D木瓜仔唔錯, 就買咗個番屋企唸住整糖水食, 就係上面個碗冰糖木瓜燉雪耳喇,
如果你得喉嚨乾乾哋, 燉佢嚟飲就好滋潤了。加上天氣咁熱, 雪凍佢嚟食, 真係人生一大快事。
材料: 夏威夷木瓜 (1個) + 雪耳 (1球) + 南北杏 (少許) + 冰糖 (按個人喜好, 而落多少) + 水
做法:
1) 將木瓜切件 (去皮及取走所有籽唔要),
2) 雪耳浸水 (約半小時), 瀝乾水份, 將雪耳剪成小束,
3) 煲少許水, 用來將雪耳汆水的, 煲佢15分鐘, 瀝乾備用,
4) 南北杏沖洗乾淨, 備用,
5) 將所有材料放入燉盅內, 連同冰糖及注滿滾水一併放煲內燉1.5小時即可飲用。
小心得:
唔好買個D好大個嘅木瓜, 燉出來無咁香甜的, 千奇唔好買錯呀!
沒有留言:
發佈留言