冰糖花膠燉雪梨

今次整呢個糖水, 係因為我好想食花膠, 你知啦, 呢個天咁熱, 好少人會係夏天整嘛, 咁我為有整糖水食啦, 如果按番之前整的冰糖蓮子燉花膠咁整, 但我用晒d蓮子都無番, 打開雪櫃見到有雪梨, 試下放入去燉, 應該都會味道清d啩, 就係咁, 就放咗個雪梨入去喇, 味道就好似將2樣嘢撈在一起食咁, 唔算太難食的,  但好難形容到個種味道, 有興趣想知係點, 不防試下咁就知係咩味喇!

材料: 雪梨 (半個) + 已發花膠 (1條) + 冰糖 (適量) + 紅棗 (5粒) + 滾水 (約2碗)

做法:
1) 同整 "冰糖蓮子燉花膠" 一樣, 不過今次無用蓮子改用雪梨。

2) 將雪梨切件及去芯(不用去皮) 及將所有材料放入一起燉就可以了。