炒蘿蔔糕

我老公好鍾意食蘿蔔糕的, 唔只過年會食, 佢一年四季見到都會食 今次呢底蘿蔔糕我就用嚟炒及加咗少許雜豆, 看上去會吸引d! 最後我係面灑上芝麻就更香喇!

 

材料: 蘿蔔糕 (1底) +  雜豆 (1束) + 洋蔥 (1/4個) + 豆瓣醬 (1湯匙)

 

 

做法:

1) 先將雜豆沖洗乾淨, 瀝乾備用

2) 蘿蔔糕切成粒狀, 備用

3) 先將洋蔥炒香後, 放入雜豆炒至熟, 盛起備用

4) 落少許油後放入蘿蔔糕, 略煎一煎(期間不要常番動), 等個面會硬身點後, 加入豆瓣醬炒勻, 再將已炒好材料倒入再略炒即可。