剛收到email, 睇完後發覺應該要post 比大家睇下, 因自己會提防, 但老人家真係唔會諗咁多, 就算唔係真, 都叫做多個案例睇, 騙子的方法多不升數!
內容係咁的:
有日呢間公司寄左張綠咭去我屋企話有郵件收,但冇收件人, 放低張通知卡, 都唔知咩黎, 張野只係得個物件編號, 同埋地址, 連名都冇呀, 仲叫我7日內打電話去 254xxxxx ,咩野資料都冇, 真係覺得有D怪, 跟住我使用133無來電顯示打電話去張綠咭上電話去, 對方一直都冇表明身份, 一味話有郵件收 ,套取你個人資料（電話同身份証號碼）話係派件用,
當然我死都唔俾啦佢聲大夾惡串到死 , 話要對個人資料 , 強調要電話同身份証號碼 !!
我無理佢收線 !!上網一查, 發現真係有問題 !! 呢個電話係UA 領達數, 應該係收數或放數公司 !!
我同屋企人都無爭人錢 !!!!原來呢隻綠卡係呢半年愈見愈多, 除左綠色, 仲有白色, 同香港郵政o既包果卡好似樣, 但就比較細~ 但就算郵差都無權唔派, 因為寄呢張卡o既人或公司應該係俾左郵費 !!最仲要提屋企D老人家要小心!
警訊都有講: http://www.youtube.com/watch?v=5gHr2f9jbLs
原來佢要你個人資料將佢d債仔數轉比你做佢擔保人呀!
沒有留言:
發佈留言