魔芋豬肉卷

今日又有新出品, 就係呢個 "魔芋豬肉卷" 喇! 第一次整個樣都算係咁啦!

但味道就好好味! 我而家整親d餸, 我蝦子餅未食之前都會估下個餸用咩材料做,

都好搞笑吓, 佢次次都估唔中, 都幾好玩的。

材料: 冰鮮梅肉切片 (1包) + 芋絲 (1盒) + 菜圃 (4條) + 紅椒 (1條)

汁料: 水 (適量) + 麻油 (少許) + 蠔油 (1湯匙) + 豆粉水 (少許) + 糖 (1茶匙)

做法:

1) 將梅肉片解凍後, 用水沖洗後, 瀝乾水份, 備用

2) 將菜圃切細粒, 紅椒切絲, 備用

3) 將芋絲盒內水倒去, 再用紙巾印乾水份,

4) 將梅肉片卷起魔芋絲, (如梅肉片唔夠濶/長, 可用2片叠起嚟卷)

5) 落油及燒熱鑊後, 將卷口位先煎封, 等肉卷無咁易散開, 煎至7-8成熟, 拿起

6) 將菜圃粒落鑊炒香, 倒入汁料煮滾後, 再放回肉卷再煮及紅椒絲,

7) 煮至肉卷全熟後, 倒入豆粉水煮多一回, 即可關火。

小心得:

你哋唔用豬肉片, 可改用打邊爐的牛肉片(我唔食牛的, 所以唔會見到有牛的食品)