甜酸菠蘿排骨

整呢個餸係我睇電視時, 賣喼汁個廣告拍得好特別, 佢講到整呢個餸好似好容易咁, 見屋企有支喼汁係度, 我咪試下整囉, 不過佢就無講份量係點, 我都係'段估', 因怕落得太多喼汁會'苦'呀! 都總算可以入得口。

材料: 青, 紅, 黃椒 (約各1/4個) + 切粒菠蘿 (1罐) + 排骨 (400g)

醃料: 喼汁 (4 湯匙) + 糖 (1茶匙) + 麻油 (少許)

做法:

1) 先將排骨前一晚用醃料醃好, 備用

2) 落少許油燒熱鑊, 放入排骨煎至8成熟後, 盛起

3) 同鑊加入青, 紅, 黃椒略炒, 將排骨放回入鑊, 加少許水兜炒至熟透, 最後才放入菠蘿粒略炒, 即可上碟。